Velsigna

I dag har me vore så heldige å få vera med på ein mayaseremoni. Iximche er visst den mest heilage mayastaden her. Ruinane etter denne gamle hovudstaden ligg vakkert til, og var ei flott ramme rundt seremonien. Me vart reinsa og velsigna, reisa vår vart velsigna, og me minna våre forfedre. Ordføraren i comalapa og kåna blei òg velsigna og veileda, og maktene jord, vatn, ild og luft fekk sine offergaver. Ordføraren fekk òg beskjed om å ikkje bygga nye ting før maktene var konferert, elles ville det antagelig gå dårlig. Det var utruleg flott å vera med på dette. Stemningsfullt, nesten litt magisk! Og dessuten er eg no rein, etter å ha blitt vaska med greiner og bøner. Og rom har både reinska meg innvendig og blitt ofra på bålet.